ವ್ಯಸನ ಜೀವನ -ಜೋಪಾನ

ವ್ಯಸನ ಜೀವನ -ಜೋಪಾನ

ವ್ಯಸನ ಎಂದರೇನು?

'ವ್ಯಸನ' ಎಂದರೆ ಯಾವುದೋ ಒಂದು ವಸ್ತುವಿನ ಅಥವಾ ಚಟುವಟಿಕೆಯ ಮೇಲೆ ಅತಿಯಾದ ಅವಲಂಬನೆ. ಅದು ಮದ್ಯಪಾನ, ಧೂಮಪಾನ, ಮಾದಕ ದ್ರವ್ಯಗಳು, ಜೂಜು, ಅಥವಾ ಇತ್ತೀಚಿನ ದಿನಗಳಲ್ಲಿ ಮೊಬೈಲ್ ಫೋನ್ ಬಳಕೆಯೂ ಆಗಿರಬಹುದು. ಆರಂಭದಲ್ಲಿ ಖುಷಿ ನೀಡುವ ಈ ಚಟಗಳು, ಕಾಲಕ್ರಮೇಣ ನಮ್ಮ ಮನಸ್ಸು ಮತ್ತು ದೇಹದ ಮೇಲೆ ಸಂಪೂರ್ಣ ಹಿಡಿತ ಸಾಧಿಸುತ್ತವೆ. ವ್ಯಸನಕ್ಕೆ ಒಳಗಾದ ವ್ಯಕ್ತಿಯು ತಾನು ಮಾಡುತ್ತಿರುವುದು ತಪ್ಪು ಎಂದು ತಿಳಿದಿದ್ದರೂ, ಅದರಿಂದ ಹೊರಬರಲು ಸಾಧ್ಯವಾಗುವುದಿಲ್ಲ.

ಜೀವನ ಜೋಪನ' ಹೇಗೆ?

ವ್ಯಸನದ ಸುಳಿಯಿಂದ ಹೊರಬಂದು ಜೀವನವನ್ನು ಜೋಪನ ಮಾಡಿಕೊಳ್ಳುವುದು (ಸಂರಕ್ಷಿಸಿಕೊಳ್ಳುವುದು/ನಿರ್ವಹಿಸುವುದು) ಅಸಾಧ್ಯವೇನಲ್ಲ. ಅದಕ್ಕೆ ಬೇಕಿರುವುದು ದೃಢ ಸಂಕಲ್ಪ ಮತ್ತು ಸರಿಯಾದ ಮಾರ್ಗದರ್ಶನ.

ಸಮಸ್ಯೆಯನ್ನು ಒಪ್ಪಿಕೊಳ್ಳಿ: ಮೊದಲು ನಿಮಗೆ ವ್ಯಸನವಿದೆ ಎಂಬುದನ್ನು ಒಪ್ಪಿಕೊಳ್ಳುವುದು ಪರಿಹಾರದ ಮೊದಲ ಹೆಜ್ಜೆ.

ವೃತ್ತಿಪರ ಸಹಾಯ ಪಡೆಯಿರಿ: ವ್ಯಸನ ಮುಕ್ತಿ ಕೇಂದ್ರಗಳು, ಮನೋವೈದ್ಯರು ಮತ್ತು ಸಲಹೆಗಾರರ ಸಹಾಯ ಪಡೆಯಿರಿ. ಅವರ ಮಾರ್ಗದರ್ಶನದಲ್ಲಿ ಚಿಕಿತ್ಸೆ ಮತ್ತು ಕೌನ್ಸೆಲಿಂಗ್‌ಗೆ ಒಳಗಾಗಿ.

ದೈಹಿಕ ಚಟುವಟಿಕೆ: ಯೋಗ, ಧ್ಯಾನ, ವ್ಯಾಯಾಮ ಅಥವಾ ಕ್ರೀಡೆಗಳಲ್ಲಿ ತೊಡಗಿಸಿಕೊಳ್ಳಿ. ಇದು ಮನಸ್ಸನ್ನು ಶಾಂತವಾಗಿಡಲು ಮತ್ತು ದೇಹವನ್ನು ಸದೃಢವಾಗಿಡಲು ಸಹಾಯ ಮಾಡುತ್ತದೆ.

 

ಪೂರಕ ವಾತಾವರಣ: ವ್ಯಸನಕ್ಕೆ ಪ್ರೇರೇಪಿಸುವ ವ್ಯಕ್ತಿಗಳಿಂದ ಅಥವಾ ಸ್ಥಳಗಳಿಂದ ದ

ಕುಟುಂಬದ ಬೆಂಬಲ: ನಿಮ್ಮ ಸಮಸ್ಯೆಗಳನ್ನು ಕುಟುಂಬದವರೊಂದಿಗೆ ಹಂಚಿಕೊಳ್ಳಿ ಮತ್ತು ಅವರ ಬೆಂಬಲ ಪಡೆಯಿರಿ.

ವಿದ್ಯಾರ್ಥಿ ಜೀವನವು ವ್ಯಕ್ತಿಯ ಜೀವನದ ಅತ್ಯಂತ ಸ್ಮರಣೀಯ ಹಂತಗಳಲ್ಲಿ ಒಂದಾಗಿದೆ. ವಿದ್ಯಾರ್ಥಿ ಜೀವನದಲ್ಲಿ ನಾವು ಕೇವಲ ಪುಸ್ತಕಗಳಿಂದ ಕಲಿಯುವುದಿಲ್ಲ. ಭಾವನಾತ್ಮಕವಾಗಿ, ದೈಹಿಕವಾಗಿ, ತಾತ್ವಿಕವಾಗಿ ಮತ್ತು ಸಾಮಾಜಿಕವಾಗಿ ಬೆಳೆಯಲು ಕಲಿಯುತ್ತೇವೆ. ಇಂತಹ ಸುವರ್ಣ ಹಂತದಲ್ಲಿ ಈಗಿನ ವಿದ್ಯಾರ್ಥಿಗಳು ಧೂಮಪಾನ, ಮದ್ಯಪಾನ, ಡ್ರಗ್ಸ್ ಮುಂತಾದ ಚಟಗಳಿಗೆ ದಾಸರಾಗುತ್ತಿರುವುದು ದುರದೃಷ್ಟಕರ ಸಂಗತಿ. ಮಿಸೋನಿಯೋಲಿಥಿಕ್ ಅವಧಿಯಲ್ಲಿ ಮಾನವರು ತಮ್ಮ ಬಾಯಾರಿಕೆ ನೀಗಿಸಲು ಹಣ್ಣು, ಧಾನ್ಯಗಳಿಂದ ತಯಾರಿಸಿದ ಮದ್ಯವು ಇಂದು ಕೆಟ್ಟವ್ಯಸನವಾಗಿ ಪ್ರಪಂಚದಾದ್ಯಂತ ವ್ಯಾಪಕವಾಗಿ ಹರಡಿದೆ. ಇದರ ಮುಷ್ಠಿಯಲ್ಲಿ ವಿದ್ಯಾರ್ಥಿಗಳೂ ಇದ್ದಾರೆ!!ಹದಿಹರೆಯದವರು ಮತ್ತು ಕಾಲೇಜು ವಿದ್ಯಾರ್ಥಿಗಳು ಆಲ್ಕೋಹಾಲ್ ಮತ್ತು ಮಾದಕ ದ್ರವ್ಯಗಳನ್ನು ಉಪಯೋಗಿಸುವುದು ಸಾಮಾನ್ಯವಾಗಿದೆ. ವಿವಿಧ ಗುಂಪುಗಳ ವ್ಯಸನದ ಅಂಕಿ-ಅಂಶಗಳು ಯಾವುದೇ ವಯಸ್ಸಿನಲ್ಲಿ ಮಾದಕ ದ್ರವ್ಯದ ಬಳಕೆಯಿಂದ ಅಪಾಯ ಸಂಭವಿಸಬಹುದು ಎಂದು ತೋರುತ್ತದೆ.

ಮಾದಕವಸ್ತು ದುರುಪಯೋಗ ರಾಷ್ಟ್ರೀಯ ಸಂಸ್ಥೆ (ಎನ್‌ಐಡಿಎ) ಪ್ರಕಾರ ಯುವಕರು, ಯುವತಿಯರು ತಮ್ಮ ಪ್ರೌಡ ಶಾಲೆಯನ್ನು ತಲುಪುವ ಹೊತ್ತಿಗೆ ಶೇ.70 ವಿದ್ಯಾರ್ಥಿಗಳು ಮದ್ಯಪಾನವನ್ನು ಮಾಡುತ್ತಿದ್ದಾರೆ, ಶೇ.50 ವಿದ್ಯಾರ್ಥಿಗಳು ನಿಷೇಧಿತ ಮಾದಕ ದ್ರವ್ಯಗಳನ್ನು ಬಳಸುತ್ತಾರೆ, ಶೇ.40 ವಿದ್ಯಾರ್ಥಿಗಳು ಧೂಮಪಾನಿಗಳಾಗಿದ್ದಾರೆ, ಶೇ.20 ವಿದ್ಯಾರ್ಥಿಗಳು ಡ್ರಗ್ಸ್‌ಗಳನ್ನು ಮನರಂಜನಾ ಉದ್ದೇಶಗಳಿಗೆ ಅಥವಾ ವೈದ್ಯಕೀಯೇತರ ಉದ್ದೇಶಗಳಿಗಾಗಿ ಬಳಸುತ್ತಾರೆ.

2013 ರಲ್ಲಿ ನಡೆಸಿದ ರಾಷ್ಟ್ರವ್ಯಾಪಿ ಸಮೀಕ್ಷೆಯಲ್ಲಿ ಭಾರತದಲ್ಲಿ ಶಾಲೆಗೆ ಹೋಗುವ ಮತ್ತು ಶಾಲೆಗೆ ಹೋಗದ ಬಡಮಕ್ಕಳು ಇಬ್ಬರೂ ವಿವಿಧ ವ್ಯಸನಗಳಿಗೆ ತುತ್ತಾಗಿರುವುದು ಕಂಡುಬಂದಿದೆ. ಬಡ ಮಕ್ಕಳಲ್ಲಿ ಶೇ.82.98 ರಷ್ಟು ಹರಡುವಿಕೆಯ ಪ್ರಮಾಣವು ವರದಿಯಾಗಿದೆ.

ಶಾಲೆಗೆ ಹೋಗುವ ವಿದ್ಯಾರ್ಥಿಗಳಲ್ಲಿ ಬಳಕೆಯ ಪ್ರಭುತ್ವವು ಶೇ.18 ಎಂದು ಕಂಡುಬಂದಿದೆ. ಈ ಅಂಕಿಅಂಶಗಳು ಗಾಬರಿ ಹುಟ್ಟಿಸುವಂತಿವೆ. ಏಕೆಂದರೆ ಪ್ರತಿ ಶಾಲೆಗೆ ಹೋಗುವ 5 ಮಕ್ಕಳಲ್ಲಿಒಬ್ಬರು ಮಾದಕವಸ್ತುಗಳ ಸೇವನೆಯಿಂದ ಪ್ರಭಾವಿತರಾಗಿದ್ದಾರೆ

. ಮಾದಕ ವ್ಯಸನದ ಪ್ರಮುಖ ವಿಧಗಳು: ಆಲ್ಕೋಹಾಲ್, ಕ್ಯಾನ ಬಿಸ್, ಹ್ಯಾಲೂಸಿನೇಜಿನ್ಸ್, ಗಾಂಜಾ, ಕೊಕೇನ್, ಒಪಿಯಾಡ್ಸ್ ನಿದ್ರಾಜನಕಗಳು, ಧೂಮಪಾನ, ಮದ್ಯಪಾನ ಮುಂತಾದವು.

ಹೀಗೆ ದಿನದಿಂದ ದಿನಕ್ಕೆ ವ್ಯಸನಗಳಿಗೆ ಸಿಲುಕುತ್ತಿರುವ ವಿದ್ಯಾರ್ಥಿಗಳ ಪ್ರಮಾಣ ಹೆಚ್ಚುತ್ತಲೇ ಇದೆ. ಇದಕ್ಕೆ ಪ್ರಮುಖ ಕಾರಣಗಳೆಂದರೆ.

ಒತ್ತಡ: ಹದಿಹರೆಯದ ವಿದ್ಯಾರ್ಥಿಗಳು, ಮಕ್ಕಳು ವ್ಯಸನಿಗಳಾ ಗಲು ಪ್ರಮುಖ ಕಾರಣವೆಂದರೆ ಅವರ ಸ್ನೇಹಿತರು, ಕುಟುಂಬದ ಸದಸ್ಯರಿಂದ ಅನುಭವಿಸುವ ಶೈಕ್ಷಣಿಕ ಒತ್ತಡ .

ಸಾಮಾಜಿಕ ಮಾಧ್ಯಮ ಜಾಲತಾಣಗಳು: ಅನೇಕರು ಸಾಮಾಜಿಕ ಮಾಧ್ಯಮದಲ್ಲಿ ಮಾದಕ ವಸ್ತುಗಳನ್ನು ಬಳಸುವ ಚಿತ್ರಗಳನ್ನು ಹಂಚಿಕೊಳ್ಳುತ್ತಾರೆ. ಇದರಿಂದ ಇದು ಸಾಮಾಜಿಕ ವಾಗಿ ಸ್ವೀಕಾರಾರ್ಹ ಎಂದು ಮಕ್ಕಳು ಭಾವಿಸುತ್ತಾರೆ.

 

 ಸಂಸ್ಕೃತಿ ಮತ್ತು ಸಮಾಜದ ಪ್ರಭಾವ: ಅನೇಕ ಚಲನಚಿತ್ರಗಳು, ಟಿವಿ ಕಾರ್ಯಕ್ರಮಗಳು, ಧಾರಾವಾಹಿಗಳು ಮುಂತಾದವು ಗಳಲ್ಲಿ ಮಾದಕ ವಸ್ತು ಮತ್ತು ಮದ್ಯದ ಬಳಕೆಯನ್ನು ವೈಭವೀಕರಿಸಲಾಗಿದೆ. ಪರಿಣಾಮವಾಗಿ ಅನೇಕ ಹದಿಹರೆಯದವರು ಡ್ರಗ್ಸ್ ಮತ್ತು ಆಲ್ಕೋಹಾಲ್ ಬಳಕೆಯನ್ನು ಮೋಜು ಎಂದು ಭಾವಿಸುತ್ತಾರೆ.

ಕುತೂಹಲ: ಸಾಮಾಜಿಕ ಜಾಲತಾಣಗಳಲ್ಲಿ, ಸಮಾಜದಲ್ಲಿ ಬೇರೆಯವರು ಮಾದಕ ವಸ್ತುಗಳನ್ನು ಬಳಸುವುದನ್ನು ನೋಡುವ ಮಕ್ಕಳು ಅವರು ಹೇಗೆ ಬಳಸುತ್ತಾರೆ? ಮಾದಕ ವಸ್ತುಗಳನ್ನು ಬಳಸಿದರೆ ಹೇಗಿರುತ್ತದೆ? ಎಂದು ತಿಳಿಯುವ ಕುತೂಹಲ ಬೆಳೆಸಿಕೊಳ್ಳುತ್ತಾರೆ ಮತ್ತು ಹದಿಹರೆಯಕ್ಕೆ ಬಂದಾಗ ಪ್ರಯತ್ನಿಸುತ್ತಾರೆ. ಮಾದಕ ವಸ್ತುಗಳನ್ನು ಬಳಸಿದರೆ ಮಾನಸಿಕ ಶಾಂತಿ, ನೆಮ್ಮದಿ ಸಿಗುತ್ತದೆ ಎಂಬ ತಪ್ಪುಕಲ್ಪನೆ. ಹೀಗೆ ಹಲವಾರು ಕಾರಣಗಳಿಂದ ವಿದ್ಯಾರ್ಥಿ ವ್ಯಸನಿಗಳಾಗ ಬಹುದು. ಇದರಿಂದ ಬಹಳಷ್ಟು ದುಷ್ಪರಿಣಾಮಗಳನ್ನು ಅನುಭವಿಸಬೇಕಾಗುತ್ತದೆ.

ಮಾದಕ ವ್ಯಸನದಿಂದ ಆಗುವ ದುಷ್ಪರಿಣಾಮಗಳೆಂದರೆ

 

·       ಶೈಕ್ಷಣಿಕ ಕಾರ್ಯಕ್ಷಮತೆ ಮತ್ತು ಫಲಿತಾಂಶದಲ್ಲಿ ಇಳಿಕೆ

·       ಶಾಲೆ ಅಥವಾ ಇತರ ಚಟುವಟಿಕೆಗಳನ್ನು ಬಿಟ್ಟುಬಿಡುವುದು

·       ಶಾಲೆಯನ್ನು ಸಂಪೂರ್ಣವಾಗಿ ಬಿಡುವುದು 

·       ಮದ್ಯದ ಅಮಲಿನಲ್ಲಿ ತಾವೂ ಅಪಘಾತಕ್ಕೆ ತುತ್ತಾಗುವುದಲ್ಲದೆ ಬೇರೆ ಅಮಾಯಕರನ್ನೂ ಅಪಘಾತಕ್ಕೆ ತುತ್ತಾಗಿಸುವುದು

·       ಕೊಲೆ, ಆತ್ಮಹತ್ಯೆ, ಮಾರಣಾಂತಿಕ ಹಲ್ಲೆ ಇನ್ನೂ ಮುಂತಾದ ಕಾನೂನುಬಾಹಿರ ಚಟುವಟಿಕೆಗಳಲ್ಲಿ ಪಾಲ್ಗೊಂಡು ಜೈಲು ಪಾಲಾಗುವುದು

·       ಡ್ರಗ್ಸ್ ತೆಗೆದುಕೊಳ್ಳಲು ಬಳಸುವ ಸಿರಿಂಜ್‌ಗಳಿಂದ ಹೆಚ್‌ಐವಿ, ಏಡ್ಸ್‌ನಂತಹ ಮಾರಣಾಂತಿಕ ಖಾಯಿಲೆಗಳಿಗೆ ತುತ್ತಾಗುವುದು

·       ಖಿನ್ನತೆ, ನಿರಾಸಕ್ತಿ, ಆತ್ಮಹತ್ಯಾ ಆಲೋಚನೆ ಮುಂತಾದ ಮಾನಸಿಕ ಆರೋಗ್ಯ ಸಮಸ್ಯೆಗಳಿಗೆ ಒಳಗಾಗುವುದು

·       ಗೆಳೆಯರಿಂದ ದೂರಾಗುವುದು ಮತ್ತು ಕಳಂಕಿತರಾಗುವುದು. ಗೆಳೆಯರು ಮತ್ತು ಸಮಾಜಕ್ಕೆ ಅವರು ನೀಡಬಹುದಾದ ಸಕಾರಾತ್ಮಕ ಕೊಡುಗೆಗಳಿಂದ ವಂಚಿತರಾಗುತ್ತಾರೆ.

·       ಕೌಟುಂಬಿಕ ಬಿಕ್ಕಟ್ಟು, ಕುಟುಂಬದ ಆರ್ಥಿಕ ಮತ್ತು ಭಾವನಾತ್ಮಕ ಅಂಶಗಳಿಗೆ ಹಾನಿಯುಂಟುಮಾಡುತ್ತದೆ.

·       ಸಮಾಜದಲ್ಲಿ ಒಬ್ಬ ದುಷ್ಟವ್ಯಕ್ತಿಯಾಗಿ ಗುರುತಿಸಿಕೊಳ್ಳುವುದು

·       ಹೀಗೆ ಹೇಳುತ್ತಾಹೋದರೆ ದುಷ್ಪರಿಣಾಮಗಳ ಪಟ್ಟಿ ಮುಗಿಯುವುದೇ ಇಲ್ಲ. ಮಾದಕ ವ್ಯಸನಗಳಿಗೆ ಬಲಿಯಾಗಿರುವವರು ಹೊರಬರಲು ಹಲವಾರು ದಾರಿಗಳಿವೆ.

·       ಮಾನಸಿಕ ಒತ್ತಡ ನೀಡುವುದನ್ನು ಕಡಿಮೆಮಾಡಿ

·       ಧೂಮಪಾನ, ಮದ್ಯಪಾನ, ಮಾದಕ ದ್ರವ್ಯಗಳ ಬಳಕೆಯಿಂದ ಆಗುವ ದುಷ್ಪರಿಣಾಮಗಳನ್ನು ಮಕ್ಕಳಿಗೆ ಅರ್ಥಮಾಡಿಸಿ.

·       ಶೈಕ್ಷಣಿಕ ಹಾಗೂ ಇತರೆ ಚಟುವಟಿಕೆಗಳಾದ ಕ್ರೀಡೆ, ಚಿತ್ರಕಲಿ, ನೃತ್ಯ ಮುಂತಾದವುಗಳಲ್ಲಿ ಆಸಕ್ತಿ ಬೆಳೆಸಿ.

·       ನಿಮಗೇನಾದರೂ ನಿಮ್ಮ ಮಕ್ಕಳು ಧೂಮಪಾನ, ಮದ್ಯಪಾನ ಮುಂತಾದ ಮಾದಕವಸ್ತುಗಳನ್ನು ಬಳಸುತ್ತಿದ್ದಾರೆ ಎಂದು ಅನ್ನಿಸಿದರೆ ನಿರ್ಲಕ್ಷಿಸಬೇಡಿ. 

·       ಕುಟುಂಬದ ಜೊತೆ ಕಾಲಕಳೆಯಿರಿ. 

      ಮಾನಸಿಕ ತಜ್ಞರ ಸಹಾಯ ಪಡೆದುಕೊಳ್ಳಿ

ಇವುಗಳ ಜೊತೆ ಸರ್ಕಾರ ಕೂಡ ಮಾದಕವ್ಯಸನ ತಡೆಗಟ್ಟಲು ಹಲವಾರು ಕ್ರಮಗಳನ್ನು ಕೈಗೊಂಡಿದೆ. ಅವುಗಳೆಂದರೆ 

·       ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಸಚಿವಾಲಯವು ಮದ್ಯಪಾನ ಮತ್ತು ಮಾದಕ ವಸ್ತುಗಳ ದುರುಪಯೋಗದ ತಡೆಗಟ್ಟುವಿಕೆಗಾಗಿ ಸಹಾಯಕೇಂದ್ರ ಸ್ಥಾಪಿಸಿದೆ.

·       1985 ರಲ್ಲಿ ನಾರ್ಕೋಟಿಕ್ಸ್, ಡ್ರಗ್ಸ್ ಮತ್ತು ಸೈಕೋಟ್ರೋಪಿಕ್ ಸಬ್‌ಸ್ಟೆನ್ಸ್ (NDPS) ಕಾಯಿದೆ ಜಾರಿಗೊಳಿಸಿದೆ.

·       ರೇವ್ ಪಾರ್ಟಿಗಳು, ಶಾಲಾ ಕಾಲೇಜುಗಳಲ್ಲಿ ಡ್ರಗ್ಸ್ ಮಾರಾಟ ಗಳನ್ನು ಕಾನೂನುಬಾಹಿರ ಎಂದು ಘೋಷಿಸಿದೆ.

·       ಹಲವಾರು ರೀಹ್ಯಾಬಿಲಿಟೇಷನ್ ಕೇಂದ್ರಗಳನ್ನು ಸ್ಥಾಪಿಸಿದೆ.

ಈಗ ಜನರು ಅಂಗಡಿಗೆ ಹೋದರೆ ಕೊಳ್ಳುವ ದಿನಸಿ, ತಿಂಡಿಗಳ ಎಕ್ಸ್‌ಪೈರಿ ದಿನಾಂಕ ನೋಡುತ್ತಾರೆ. ಆರೋಗ್ಯಕ್ಕೆ ಏನೂ ತೊಂದರೆ ಇಲ್ಲವೆಂದರೆ ಮಾತ್ರ ಖರೀದಿಸುತ್ತಾರೆ. ಹೀಗಿರುವಾಗ ಮದ್ಯಪಾನ, ಧೂಮಪಾನದ ಪೊಟ್ಟಣ, ಬಾಟಲಿಗಳ ಮೇಲೆ ಇವು ಆರೋಗ್ಯಕ್ಕೆ ಹಾನಿಕಾರಕ ಎಂದು ಚಿತ್ರದ ಸಮೇತ ಹಾಕಿದ್ದರೂ, ದುಷ್ಪರಿಣಾಮಗಳನ್ನು ಹಾಕಿದ್ದರೂ ಖರೀದಿಸಿ ಬಳಸುವವರನ್ನು ನೋಡಿದರೆ ಹಾಸ್ಯಾಸ್ಪದ ಎನಿಸುತ್ತದೆ. ಅನಕ್ಷರಸ್ಥರಲ್ಲದೆ ಚೆನ್ನಾಗಿ ಓದಿರುವ, ಓದುತ್ತಿರುವ ವಿದ್ಯಾರ್ಥಿಗಳು, ನಾಗರಿಕರು ಕೂಡ ಹೀಗೆ ವರ್ತಿಸುತ್ತಿರುವುದು, ವ್ಯಸನಿಗಳಾಗುತ್ತಿರುವುದು ದುರದೃಷ್ಟಕರ ಸಂಗತಿ.

ದಯವಿಟ್ಟು ಸಾಮಾಜಿಕ ಜಾಲತಾಣಗಳಲ್ಲಿ, ಚಲನಚಿತ್ರಗಳಲ್ಲಿ, ಮಾಧ್ಯಮಗಳಲ್ಲಿ, ಚಿಕ್ಕ ಮಕ್ಕಳ ಎದುರಲ್ಲಿ, ಸಾರ್ವಜನಿಕ ಸ್ಥಳಗಳಲ್ಲಿ, ಶಾಲಾ-ಕಾಲೇಜು ಆವರಣದಲ್ಲಿ ಮಾದಕ ವಸ್ತುಗಳನ್ನು ಬಳಸುವುದನ್ನು, ಪ್ರಚೋದಿಸುವುದನ್ನು ನಿಲ್ಲಿಸಿ. ಬದಲಿಗೆ ಇವುಗಳನ್ನು ಬಳಸುವುದರಿಂದಾಗುವ ದುಷ್ಪರಿಣಾಮಗಳ ಬಗ್ಗೆ ಚಿತ್ರಿಸಿ.

ನಾವೀಗ 21ನೇ ಶತಮಾನದಲ್ಲಿದ್ದೇವೆ, ಎಲ್ಲದರಲ್ಲೂ ಮುಂದು ವರಿಯುತ್ತಿದ್ದೇವೆ, ಸಾಕಷ್ಟು ಬುದ್ಧಿವಂತರಾಗಿದ್ದೇವೆ. ಆದಷ್ಟು ಬೇಗ ಭಾರತವನ್ನು ಅಭಿವೃದ್ಧಿಹೊಂದಿದ ದೇಶವಾಗಿ ನೋಡುವ ಕನಸು ಕಂಡಿದ್ದೇವೆ. ಈ ಕನಸಿಗೆ ಮಾದಕವಸ್ತುಗಳು ಅಡ್ಡಿಯಾಗಿವೆ. ಹೀಗಾಗಿ ಸರಿಯಾಗಿ ಯೋಚಿಸಿ ಮಾದಕ ವಸ್ತುಗಳನ್ನು ಕಡಿಮೆ ಮಾಡಿ, ಉತ್ತಮ ಸಮಾಜ ಹಾಗೂ ಭಾರತವನ್ನು ಕಟ್ಟುವೆಡೆ ಸಾಗೋಣ.

Don't let drugs to steal your dreams. ಜೀವನವು ಒಂದು ಸುಂದರ ಉಡುಗೊರೆ. ಅದನ್ನು ವ್ಯಸನದಲ್ಲಿ ವ್ಯರ್ಥಮಾಡಬೇಡಿ.

 

ಇಂದ

ಟಾಸ್ಕ್ ಟೈಟಾನ್ಸ್...

 1 ವರ್ಷ ಎಂ ಸಿ ಎ ವಿಭಾಗದಿಂದ 

ಶೇಷಾದ್ರಿಪುರಂ ಕಾಲೇಜು ತುಮಕೂರು